Kopoilaan Suang Walai

id Kg. Tudan Kiulu Tuaran.

Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokodungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.

11.06.2013

Haro daa kopoilaan suang walai ti mantad Kg. Tudan Kiulu Tuaran.

Kopisanangan .Tuminongkiad no di ti tambalut tokou Rijos Galuk di jam ko-3 minsusuab baino, 2.2.2012 tadau kaapat, hilo id Walai Pongusapan Queen Elizabeth. Insianon no da do Kinorohingan i koduduo dau. Amen.

Mantad dilo do manu di popoilo di SUNDANG KAMUNTA ID KG TELUPID RANAU, GITOM KAMUNTA ID KG. PUHUS TAMPARULI, YB DATUK JAHID JAHIM, ID TAMPARULI OM OINSANAN WARIS OM TOMPINAI NGAWI. OWITON ITI NOTIAGAK KUMAA KG TUDAN KIULU TUARAN DO TADAU BAINO, 2.2.2012. AMU PO NOILAAN SOIRA LISOKON TU MANDAD PO KORIKATAN DI PINOILO NGAAWI.

Isai-isai nopo daa dati i kotutun toi koilo di tompinai ngaawi pinoilo, alansan agaan ginawo do poromut kopoilaan suang walai diti. Kotoluadan.Notolipunan no RTM om polobuson o kopoilaan diti maya RTM Kadazan kosuabon ti om RTM Dusun totuong tadau diti.

Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokogungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.




Mantad,
JENIUS GADIMAN
Kg. Tudan Kiulu Tuaran.
FaceBook: Jenius Gadiman
FB Group: KHC (Kiulu Highlanders Comunity)
2.2.2012

Kopoilaan Suang Walai

Kopilaan Suang Walai

Kopoilaan kosusaan: Minidu pogun
Ngaran: Thomas @ Gadiman Kambut
Tadau: 21.2.2011 (Tadau koiso)
Jaam: 5.30 minsosodop
Doid Kg. Libodon Tudan, Kiulu Tuaran.


Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokogungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.

Kopilaan Suang Walai

Kopilaan Suang Walai

kopoilaan kosusaan: minidu pogun
ngaran: pita gongul
tadau: 2.1.2010 (tadau minggu)
jaam: 3.00 minsosodop
doid Kg. Libodon Tudan, Kiulu Tuaran.


Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokogungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.

Pinoporuput: inan sokini gadil
pinoruput: kaantakan tayam wogok poimogonon di gaman gail, gaman gidin om inan kunong minomorumbak tanom parai
kinoiyonon: kg tudan kiulu tuaran
rinuput: tanom parai tinanom id dumo ponongid sokod kaalaian id tana sondiri nimaan rumbako toi naakan di tayam wogok poimogonon tulun kampung narait, di gaman gail, gaman gidin om inan kunong. tayam wogok noilaan om nokito momorumbak tanom parai di pinoporuput mantad di monilau po iri parai nokounsub di pinoporuput do poporuput ahal dilo kuminaan woyoon kampung tudan kiulu tuaran om i woyoon kampung tudan kiulu miampai di pinoporuput om i inan kunong minoi intong kinorumbakan nokomoi di talib tangadau ontok tadau 29.11.2010 om nokito om naakun di woyoon kampung tudan do otopot o kinorumbakan parai di nokoruput di pinoporuput. mantad dilo minomolohou woyoon kampung tudan kiulu di koinsanai woyoon kampung boogian sokid kiulu tuaran om nokorikot om nokotimung iri 4 woyoon kampung  i gund gaim gibin woyoon kampung tudan kiulu, i gund gudin gubat woyoon kampung tobobon, i gund sianung pupun woyoon kampung sungoi om i gund woyoon kampung kimanuk poring kiulu tuaran di ontok tadau 12.12.2010 id walai titimungan kg tudan kiulu tuaran miampai i pinoporuput, pinoruput om piipiro tulun kampung i nokosiwat moi pokinongou. sinoriuk o ahal dii om nookunan di pinoporuput om i pinoruput kokomoi kinorumbakan parai om tayam nakahampit, do tayam wogok di gaman gail nopo nga kitanda pinututan tiki, om tayam wogok di gaman gidin ginoringan nga nopututan tiki sabab nosoluan do gaman gail manada di kakang po iri wogok om tayam wogok di inan kunong i pinutul goduo-goduo tompok tolingo om pinatai di pinoporuput i songinan wogok dau ontok wogok dilo momorumbak parai di pinoporuput nga iri nopo tinan wogok pinatai nga pinotahak pasangkayu kumaa di sanganu dau i inan kunong.
panalasaian: mantad ponoriukan di woyoon kampung tudan i kinorumbakan om kalapas pinogibaabarasan di koinsanai 4 woyoon kampung nokorikot om nokoimagon no di 4 woyoon kampung nakahampit doid kapanalasaian ontok tadau dii do montok kiis toi ahal dii om notumboyo mositi manahak maan ponolikud iri pinoruput kumaa di pinoporuput do soginumu 30 puut parai i miagal do rm1 sompuut toi rm30 toinsanai montok songulun i pinoruput, nga kiwaa pinoingkurian montok di ponolikudlikud dilo tuu au tagal gonopon i 30 puut i miagal do rm30 nga 10puut no i miagal rm10.
kopoingatan: poimogonon o tayam do amu kakasou toi korumbak do tanom toi nunu nopo tungkus toi buru-buruon sondiri toiko doun tulun suai, om mooi daa do poingggirot kasari piomungan id taatanga tulun kampung...

sinurat di: jenius gadiman, 12.12.2010
oilaan i iti?hehehehe...

woyoon kampung.

Prujik Podtuongisan Wasai Minipalud

Mesyuarat Pelancongan Sungai Minipalud.
Dewan Kg. Tudan Kiulu Tuaran.
6.9.2010

Tudan - Isnin (6.9.2010)
Iso pitimbungakan kokomoi pomorunan podtuongisan pinaharo id Lintuhun Kampung Tudan Kiulu.
Ponorikohon ontok pitimbungakan dilo nopo nga i Gundohing K.K. Golunus Gaim Gibin. Pitimbungakan dilo
pinaharo montok mogihum laang kopomorunan podtuongisan id kampung diti. Tudu nopo kopio nga paparalan kopomorunan
Wasai Minipalud. Wasai Minipalud nopo nga iso kinoyonon wasai (waig tumuhun/hatob / waterfall / air terjun) i
kagayat kopio id kampung diti.
Nakaanu om nakaakun o tulun kampung di nokorikot do papapanau pomorunan podtuongisan id wasai dilo. Montok dilo do pinaharo iso pisompuruan
poimbida montok momuruan kapanahan do prujik podtuongisan dilo. Kitonggungan o puru tinan dilo mogihum ralan poingkuro pomorunan podtuongisan Wasai Minipalud.
Piipiro laang nookunan ngaawi di naktanud pitimbungakan dilo nopo nga miagal id siriba diti:
(i) Iso jawatankuasa/tinan pohoroon montok momuruan prujik podtuongisan Wasai Minipalud
(ii) Oinsanan sanganu tana poinsorili kinoyonon Wasai Minipalud nakaakun do kopomorunan podtuongisan Wasai Minipalud.
Kinoyonon soginayo 60' (60 feet) mantad piras bawang/bawang Minipalud nopo nga poimbida montok prujik podtuongisan.
Sanganu tana obuli do papapanau podtuongisan id tana dau sondiri nga maya tonggungan sondiri.
(iii) Nokotumboyo tulun kampung do montok koimpuunan nopo nga papanahon prujik nopo nga maya pogitaatabangan tulun kampung miagal no montok momonsoi
wayaan bontolon/main gate, sulap id wayaan bontolon (4'x4') om sulap titimungan id doros dii wayaan bontolon (16'x20').
(iv) Kinoyonon kahampit prujik podtuongisan Wasai Minipalud nopo nga id pialatan talun-alun kumaa Kg. Baraba (ponongsokid) om palan tlaun-alun kumaa Dobon (ponongsiba).
(v)  Pambayar dumadi puru: RM50.00
(vi) Danda amu kaamung pitabangan / gotong-royong: RM30.00
(vii) Puru momuruan prujik:

Penaung:
Penasihat: K.K. Gundohing Golunus Gaim
Ketua Penyelaras: Gund. Jenius Gadiman
Timb. Ketua Penyelaras: Gund. Moris Gayu
Setiausaha: Zandi Rohjellia
Pen. Setiausaha: Gund. Nidi Tamin
Bendahari: Gund. Marius Samin (Pengerusi JKKK Kg. Tudan, Kiulu Tuaran)
Juruaudit: Zandi maria Gunsing, Gund. Justin Soimun & Zandi Veronica Peter
AJK Kecil: Gund. Johnween Galuk, Gund. Jebos Gadiman, Gund. Sinim Guntil, Zandi Felicia Limu, Oinsanan i kitana posorili wasai/bawang Minipalud.
Keselamatan: Gund. Marius Samin (Ketua), dan semua pemilik tanah berhampiran Wasai Minipalud.
Kebersihan: K.K. Gund. Golunus Gaim

Pitimbungakan ko-2:

Tadau: 19.9.2010 (Tadau minggu)
Kinoyonon: Walai pisompuruan/linutuhun ginumuan Kg. Tudan Kiulu TUaran
Maso: 11.00 kosuabon (Kalapas sambayang gereja)


Di: Kombura News

Kopilaan Suang Walai

kopoilaan kosusaan: minidu pogun
ngaran: sibin gongul
tadau: 30.8.2010 (tadau minggu)
jaam: 5.30 minsusuab,
doid Kg. Libodon Tudan, Kiulu Tuaran.


Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokogungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.

Wasai Minipalud

Kopoilaan Suang Kampung Tudan Kiulu, Tuaran

kopoilaan kosusaan: minidu pogun
ngaran: seleiem kemantan
tadau: 18.4.2010 (tadau minggu)
jaam: 5.30 minsusuab,
doid walai pongusapan (Hospital) Tambunan, Sabah.


Kanou mogiamung mokianu barakat mantad Kinorohingan:
Oi Tama doid syurga, barakatai no kolominan, paganakan, kompinaian loolobi po di paganakan di tongotiagak i nolohou Nu no. Onuai no da iyolo do kagarasan ginawo om katabaian do tumoguang timpu dumontol. Sokogungo no ngaawi yahai doid koposion om tudukai yahai ralan pointopot tumanud Dia'. Onuai no do kosianan Nu i koduduwo di tongotiagak om oowito no isio doid paradise Nu doid Syurga. Amen.

na'aspal no talun-alun kumaa Kg. Libodon Tudan Kiulu?

Ororongou ku om noimpuunan no kaka mangaspal talun-alun kumaa kampung toko'...kalansanan da tagayo!

Kotobian Toun Wagu 2010!

Aramai kasari o totuong toun wagu id Kg. Tudan. Kogumuan tulun kampung Tudan minooi ambalut do sungkad tukad ontok tuong toun wagu. Id siriba nopo nga piipiro gambar naanu ku ontok karamaian tuong toun wagu id walai di KK Gadiman Kambut. Aramai bo...nga hontolon tokou noo daa nga i piunungan om piisaan id pialatan di toinsanan tulun Kg Tudan.
Kotobian Toun Wagu 2010. Agampot nu i iman-imanon nu!

BBQ...i gasi momuruan!..Kotoluadan.

"Intaai pogi nga otiru tomod oku mamain dart!." ka di Kissey.
Kissey, otiru po da kopio nung kiinigit ko lo tin obulou wotik!

 Isai bobos takawas mato anu nga kaanu 20 sen! hehehehe..pamaramai bo...

Mamain bandak bo ti..maan nopo do pagandad-gandad korikot jam 12.00 pitangatuong...

Sukod wagu nga poingamung nogi...ingkuri bogia kaakan do pinanggang-panggang (bbq)...miagal doho tu kosukod po om koumbal nogi bbq..hahaha...nasip i tu nakabagal kasari linugu-lugu, au nopo daa nga posodia no ilo tasu...hahahaha

Dumuom om mintong tv daamot magandad toun wagu 2010.

Tompinai Dania @ Gontol...solinaid 5 minit yolo do minangagung ontok kotimpuunan toun wagu 2010!
Gong!GOng!Gong!Tung!...ountung no daa id suang 2010...norontoi no tinuntugan di Kunong!!!

Bagas Woyoon Kampung om i gaman Gail..."tamangan tokou kampung mantad taraat", ka matuu pibarasan diolo lo...hehehe..

Cheerssss! Kotoluadan toun 2009 om Kotobian Toun 2010....osogit tokou no da ngaawi...

Gompoton ku nopo toun 2010 nga bobos takawas (koiso) id sikul ku...ka kanto ti sukod wagu ti.

Tadau koiso id toun wagu 2010 (01.01.10---bolion dokoyu ti 6d!)...
Koumbaya' kasari gia mambalut iti gaman om inan om sukod wagu ti...pakayaan diolo kumaa Kg Poring Kiulu.

Ba asi....mambalut po bo, mumbaya po toruhai no...:)...


KOTOBIAN TOUN WAGU 2010.
AGAMPOT NO DAA I IMAN-IMANON TOKOU NGAAWI!

Puru JKK & Woyoon Kampung, Kg. Tudan Kiulu, Tuaran

Woyoon Kampung : Gundohing Gaim Golunus Gibin
(Nopili ontok 6.12.2009)

Ponorikohon JKK: Gundohing Marius Samin
Timbang Ponorikohon: Gundohing Moris Gayu
Monunurat & Tresurer: Gundohing Balangin Molinggun
Puru Takawas: Alfred Bin Gail, Johnween Galuk & Rohjjeliah Lamponggon.

Alansan daa do kaanu iyolo momuruan tulun kampung kumaa koburuon, maya ralan pointopot.

Pomilian Woyoon Kampung Kg. Libodon Tudan, Kiulu Tuaran, Sabah.

22.11.2009
Kiulu - Nokorikot / nokouli kogumuan tulun mantad toiko mogigion mantad Kg. Libodon Tudan, Kiulu
Tuaran kumaa doid Kg. Libodon Tudan id suang Watas Tokoro Kiulu, TUaran. Kinoulian diolo nopo nga
montok kopomilian Woyoon Kampung (Head Village) do kawawagu montok do Kg. Libodon Tudan, Kiulu Tuaran.

Sokuukuri do 70 komolohingan om sukod wagu do nokouli ontok tadau dilo. Nokorikot iyolo ngaawi diti do mantad kakadaian toiko
watas suai i kinoiyonon diolo pakaraja. Oponsol o pomilian dilo sabab do mokiganti no i Woyoon Kampung mantad, ii Gundohing KK Gadiman Kambut.
Tumanud di Gundohing Gadiman Kambut, kopotingkadan dau nopo nga sabab no do kolidasan dau i au papasaga dau papanau karaj
sabaagi do Woyoon Kampung.

Sundung potuu do ingkaa nga amu pinotilombus kopomilian Woyoon Kampung sabab no do aiso
kopoilaan poinsurat mantad JKKK kampung dilo. Tumanud di Gundohing Samy Bangud, Upisor PKR Kiulu, apatut do kiharo notis toiko surat kopoilaan kumaa mogigion
kampung, sokuukuri 7 tadau pogulu do papanahon o kopomilian dilo. Piipiro tulun kampung nga
au pinoposudong do pohoroon o kopomilian dilo sabab aiso o surat kopoilaan mantad. Kikotumbayaan do tumanud nopo kooturan nga
mositi do kiwa kopoilaan poinsurat pogulu pohoroon o kopomilian miagal dilio. Iti nopo nga
montok mangantob kobolingkahangan id tohuri tadau.

Sundung ingkaa nga minonimbar om pinaparati i gundohing PKR do pongudiaan ngaawi kahampit.
Koiso nopo nga isai-isai i id kiumur id sawat 18 toun milo dumadi do lansanon toiko Woyoon Kampung.
Isai-isai i kiangkab dumadi Woyoon Kampung nga mositi aiso kiis mahkamah, nobingkarap toiko nokoumbal do nojiil toiko nadanda gisom do RM2000.00.
Pinopoilo nogi isio do koonduan milo nogi do dodion Woyoon Kampung. Ponorikohon toiko puru JKK kampung nga milo nogi do lansanon sabaagi
Woyoon Kampung. Ontok do pogititimungan dilo au noilaan do isai-isai i palansansanon daa do sabaagi Woyoon Kampung.

Pinohuntan o kopomilian Woyoon Kampung Kg Libodon Tudan, Kiulu TUaran ontok

tadau ko-6 Momuhau 2009 . Koontok ilo do tadau minggu, jaam 11.00 kosuabon.

Ontok pinogiruurubaan dilo pinarati tulun kampung ngaawi do:
1. Tulun kampung i milo do momili nopo nga ii tulun mamasok pointopot id Kg. Libodon Tuda, Kiulu.
Au pomilohon do momili i poingiyon toiko kiwalai id Kg. Libodon Tudan nga puru iyau do kampung suai, miagal no do Kg. Bambangan Kiulu po toiko
Kg Poring, toiko suai-suai kampung.
2. Milo do momili i isai-isai nopo puru/mamasok kampung sundung pongundian pomilian tagayo (election) nopo dau nga id watas suai id pogun Sabah diti.
3. Tongondu nga milo do palansanon sabaagi Woyoon Kampung.
4. Isai-isai mamasok kampung i kiumur id sawat 18 toun obuli lumansan sabaagi Woyoon Kampung.
5. Kiwaa nogi sogu tulun kampung do i nopo opili do Woyoon Kampung nga nokoponu kriteria
miagal no do koilo monurat, mambasa om mongintob.

Iso ahal oponsol ontok pinogiruurubaan dilo nopo nga komi di Woyoon Kampung pogulu i Gundohing
Gadiman Kambut:
1. Kinoundarangan nopo disio mantad karaja Woyoon Kampung nga sabab  do kolidasan i au papasaga.
2. Minonongkotoluod isio kumaa rayat/tulun kampung ngaawi sabab sokodung solinaid disio do Woyoon Kampung.
3. Pinolombus nogi disio do au isio ososol kumaa di tulun kampung i mimang do kiginawo daa do popotingkod dau sabaagi do Woyoon Kampung.

NATANTU TADAU POMILIAN KAWAWAGU ONTOK
6.12.2009 (TADAU MINGGU)..JAM 11.OO MINSUSUAB.
POILOON TOINSANAN TULUN MAMASOK KG.TUDAN ( I  AU PO NADADI PURU KG SUAI-SUAI ) 

Koligaganan tana napayang

dii Kombura

Kopisanangan…
ontok tadau kaapat (6.8.2009), songulun mogigion Kg. Tudan Kiulu, Tuaran noiduan ginawo soira nakaampap tana’ nopiang. Isio nopo nga id tindalanon nogi daa do mindahu om moi pokidupot. Nokosupan isio di tana’ napayang hilo’ id pirau talahis tomod i roitan do Kiang o kinoiyonon dau, sumondot do Kg. Tudan. Kikotumbayaan do tana’ dilo napayang sabab naagatan di tana’ mantad tisan talun-talun i pinataam di kuntiriktor momonsoi talun-alun.

Songulun tulun kg dilo pinopoilo do nosunudan no daa dau i kuntiriktor do amu pataam do tana doid kinoiyonon  dilo (id siba di Kiang) nga au tinumboyo dilo kuntiriktor.
Piipiro tulun kg minogitaatabang do minogihum disio soira au’ nokouli doid walai gisom do duo tadau. Kikotumbayaan o tulun kg do nakaampap kanto di tana’ napayang isio soira nokito do au nosimbanan iri kakamot pongintalun dau hiri id sulap do hilo id tumo dau. Nokito diolo i tinan disio di pitangaadau tadau ko-onom, 8.8.2009.
Monongkosiou tokou kumaa di paganakan om tompinai ngaawi noiduanan dau. Sumambayang tokou do insianon no da do Kinorohingan i koduduwo disio. Amen.

Podtuongisan id Kg. Tudan Kiulu, Tuaran

dii Kombura

Ogumu kinoyonon kagayat ginawo id kaalayan dagai. Kiwaa wasai, kokiikitanan di tolumis, kiwa nogi luang mondou roitan do Siaton, kiwa pomutanaman rapawon om suusuai po. Osogit toiko atamis nogi kowoowoyoon tadau/tuong id kaalaian diti.

Wasai Minipalud

kabun strawberry kumoiso nogi id watas Kiulu

Nulu Kinabalu

Sougi (Jatropa Curcas)

tadau tumonob

kosuaho tulun mogigion

JKK Kg. Tudan Kiulu Tuaran 2009/2011

dii Kombura

Nakapanau pomilian puru kotundaan Om koumoligan Kg. Tudan ontok tulan Mahas di nakatalib. Puru do nopili nopo ngaawi nga:
Ponorikohon : Gundohing Marius Samin
Monunurat & Kousinan: Gundohing Balangin Soinggun
Koumoligan: Gundohing Johnween Galuk
Koubasanan & Kotumbayaan/Agama:Gundohing Alfred Tanis Gail
Koonduan: Zandi Lia Alfred
Sikul/Education: Gundohing Marius Samin
Koumatan:

Kuari (Pamabakan watu) id Kg. Tudan Kiulu?

Dii Kombura

Kikotumbayaan do papaharo i kuntiriktor do iso kuari ponong id watas sokid diti. Noilaan do laang dilo nopo nga kaanu kopoinsiriba poruntukan apakai montok poposonong om mangaspal talun-alun nakahampit. Nga,kikalansanan tokou da do nosoriuk no ngaawi o karaatan i oowit om kaanu daa di do magantob toi mongingkuri do karatan dilo soira owonsoi o kuari watu dilo.

Orosian tokou do kopogowit ilo koligaganan kumaa tulun mogigion okon nopo hiti ponong id sokid Kiulu Tuaran (Ulu Kiulu Tuaran) nga i mogigion ponong hilo sawa’, poingugus  dilo bawang Tuaran. Alansan tokou nogi do kada da pingungkudai kopio tana kampung montok mongimbulai om maganu watu-watu montok babakon hilo id kuari. Alansan do kaanu i oinsanan kahampit miagal kuntiriktor, EIA, om isai-isai nopo do ‘minimize the negatives impact’ di kuari nokomoi.

PANSA koisaan pasok momogun sabah

dii Kombura

Nunu iti PANSA?
Persatuan Anak Negeri Sabah
(Koisaan Pasok Momogun Sabah)*

Gisom nopo do noilaan ku, PANSA nopo nga:-
-koisaan i obuli do tonudon dii koinsanai tulun mamasok Sabah.
-au kasagaan sumuang puru iri tulun ruminikot mantad pogun suai
-okon ko kotinanan pulitik
-montok monguhup kotundaan tulun mamasok Sabah
-mongulud tulun mamasok Sabah
Kaantaban montok PANSA nga:-
-kotoguang pomusarahan tulun mamasok Aabah do iti nga iso nogi parti pulitik
-kituduan do pulitik tomod
-maan no pongiduan pambaraian sukai maya do kapamaharaan kouhupan kotundaan kumaa tulun mamasok (osonong bogia ti)
p/s: iti nopo nga mantad pomusarahan ku sondiri/gisom do noilaan ku bo

KOUNDARANGAN SIKUL KOI’ON TOUN 2009

Norikot no kawagu koundarangan sikul hiti id pogun tokou.

Montok tangaanak sikul ngaawi, kada da dmundorong mantad mambasa buuk. Nunu-nunu nopo buuk di osonong suang dau.
Kumaa tambalut mongingia, nung olohou tokou kumaraja id sikul ontok tadau koundarangan diti nga au’ monguro bo. Kada pondo do ogumu kopio oguno do koundarangan diti. Ogumu nogi tongotambalut mongingia ia mantamong poniisan SPM om STPM. Kounsikahan kumaa dokoyu tuu kaanu do kumaraja  toiko tumamong montok do karaaralano tosnong dilo poniisan.
Kumaa tangaanak sikul di mirikau poniisan SPM om STPM, kotobian kumaa dokoyu om ‘maan no kopio’!